ठाणे :- कळवा, पारसिक नगर या ठिकाणी असलेल्या चारकोल शोरमा स्टॉलला गुरुवारी मध्यरात्री १२ वाजण्याच्या सुमारास आग लागली.
या घटनेची माहिती मिळताच घटनास्थळी कळवा पोलीस, ठामपा अग्निशमन दल आणि आपत्ती व्यवस्थापन या विभागांनी धाव घेत, आगीवर नियंत्रण मिळविले. यामध्ये कोणालाही दुखापत झाली नसून यावेळी सुरक्षेच्या कारणास्तव त्या स्टॉलमधील HP मिनी गॅस सिलेंडर अग्निशमन दलाच्या ताब्यात देण्यात आला होता. अशी माहिती आपत्ती व्यवस्थापन अधिकाऱ्यांनी दिली.
