उपमुख्यमंत्री एकनाथ शिंदे यांच्या नेतृत्वावर दाखवला विश्वास
मुंबई:- विदर्भातील चंद्रपूर जिल्ह्यातील गोडपिंपरी नगरपंचायतीच्या ८ नगरसेवकांनी आज शिवसेनेत पक्ष प्रवेश केला. त्याचबरोबर यामुळे चंद्रपूर जिल्ह्यात काँग्रेस आणि उबाठा गटाला खिंडार पडले आहे. गोडपिंपरी नगरपंचायतीमधील १७ पैकी ८ नगरसेवकांनी शिवसेना मुख्यनेते आणि राज्याचे उपमुख्यमंत्री एकनाथ शिंदे यांच्या नेतृत्वावर विश्वास दाखवत शिवसेनेत प्रवेश केल्याचे शिवसेना आमदार मनिषा कायंदे यांनी सांगितले. मुंबईत झालेल्या या पक्ष प्रवेश सोहळ्यावेळी शिवसेना पूर्व विदर्भ समन्वयक आमदार नरेंद्र भोंडेकर यावेळी उपस्थित होते.
आज उबाठा गटाचे चंद्रपूर जिल्हा प्रमुख बंडू हजारे, उपजिल्हा प्रमुख नितीन पत्रुजी धानोरकर, उबाठा गट उपाध्यक्षा सारिका मडवी, उबाठा नगरसेवक यादव बोबडे यांनी आज शिवसेनेत प्रवेश केला. काँग्रेस नगरसेवक सुनिल संकुलावर, सभापती वनिता वाघाडे, नगरसेविका वनिता देवगडे, सभापती रंजना रामगीरकार, सचिन चितावार, अपक्ष नगरसेवक सुरेश चिलणकार, तारडा येथील सरपंच तरुण उमरे यांनी आज शिवसेनेत प्रवेश केला. विधानसभा निवडणुकीनंतर राज्याच्या कानाकोपऱ्यातून विविध पक्षातील हजारो कार्यकर्ते आणि पदाधिकारी शिवसेनेत प्रवेश केला आहे.
