दिवा:- दहावी आणि बारावी परीक्षा मध्ये यश मिळवणाऱ्या गुणवंत विद्यार्थ्यांचा गुणगौरव सोहळा शिवसेना दिवा शहरप्रमुख रमाकांत मढवी यांच्या मार्गदर्शनाखाली दिवा शहर युवती सेना शहर अधिकारी कु. साक्षी मढवी यांनी आयोजित केला होता.
आकांक्षा हॉल दिवा पूर्व येथे आयोजित करण्यात आलेल्या या मेळाव्यात पाचशे पेक्षा जास्त विद्यार्थ्यांना सन्मानित करण्यात आले. तसेच दिवा शहरातील शैक्षणिक संस्थापक व शिक्षकांचा देखील सत्कार यावेळी करण्यात आला. यावेळी शिवसेना जेष्ठ नगरसेवक व उपशहरप्रमुख शैलेश पाटील, आदेश भगत, गणेश मुंडे, नगरसेवक दीपक जाधव, नगरसेविका दर्शना म्हात्रे, विभाग प्रमुख शशिकांत पाटील, गुरुनाथ पाटील, चरणदास म्हात्रे, भालचंद्र भगत, राजेश पाटील, जगदीश भंडारी, उपविभाग प्रमुख शाखाप्रमुख, उपशाखाप्रमुख व इतर पदाधिकारी आणि विद्यार्थी मोठ्या संख्येने उपस्थित होते. यावेळी उपस्थित विद्यार्थ्यांना शिवसेना उपशाखाप्रमुख ॲड आदेश भगत, व युवती सेना शहर अधिकारी साक्षी मढवी यांनी मार्गदर्शन केले. शिवसेना दिवा शहर हे नेहमीच दिव्यातील विद्यार्थ्यांच्या सर्वांगीण विकासासाठी कार्यरत असते, शिवसेनेच्या माध्यमातून दहावी सराव परीक्षा, गुणवंत विद्यार्थ्यांचा सत्कार, मॅरेथॉन स्पर्धा, निबंध स्पर्धा, चित्रकला स्पर्धा, करियर मार्गदर्शन असे विविध प्रकारचे कार्यक्रम घेतले जात असल्याचे साक्षी मढवी यांनी बोलताना सांगितले.
