दिवा:-राज्याचे उपमुख्यमंत्री एकनाथ शिंदे आणि खासदार डॉ. श्रीकांत शिंदे यांच्या विशेष निधीतून दिवा शहरात सुरू असलेल्या विविध विकास कामांना गती देण्याच्या सूचना माजी उपमहापौर व शिवसेना शहरप्रमुख रमाकांत मढवी यांनी प्रशासकीय अधिकाऱ्यांना दिले आहेत. प्रभाग क्रमांक २७ आणि २९ मधील सुरू असलेल्या तसेच रखडलेल्या कामांचा आढावा घेण्यासाठी आज मढवी यांच्या नेतृत्वाखाली एका पाहणी दौऱ्याचे आयोजन करण्यात आले होते.
या दौऱ्यादरम्यान, नागरिकांच्या सुरक्षेसाठी दिवा स्टेशन ते साबे गाव रस्त्यावर तातडीने गतिरोधक बसवण्याची सूचना मढवी यांनी केली. तसेच, साबे गावातील स्मशानभूमीची दुरुस्ती, वैभव ढाबा ते जीवदानी नगर रस्त्याच्या कामाला वेग देणे आणि अनेक दिवसांपासून रखडलेल्या नॅशनल स्कूल ते साबे गाव रस्त्याचे काम त्वरित सुरू करण्याच्या सूचना त्यांनी उपस्थित अधिकाऱ्यांना केल्या.
यासोबतच, साबे गावातील राधाकृष्ण सोसायटी ते विष्णू पाटील नगर या नवीन काँक्रिट रस्त्याच्या कामाची पाहणी करून येथील रस्ते आणि गटारांची कामेही लवकर पूर्ण करण्याच्या सूचना देण्यात आल्या.
या पाहणी दौऱ्यात शहरप्रमुख रमाकांत मढवी यांच्यासोबत उपशहरप्रमुख व नगरसेवक शैलेश पाटील, उपशहरप्रमुख ॲड. आदेश भगत, उपशहरप्रमुख गणेश मुंडे, नगरसेवक अमर पाटील, नगरसेवक दिपक जाधव, विभागप्रमुख उमेश भगत, निलेश पाटील, गुरुनाथ पाटील, भालचंद्र भगत, शशिकांत पाटील, जगदीश भंडारी, उपविभागप्रमुख भूषण म्हात्रे, शाखाप्रमुख दिगंबर भोईर, शैलेश पाटील यांच्यासह शिवसेनेचे अनेक पदाधिकारी आणि कार्यकर्ते मोठ्या संख्येने उपस्थित होते.
दिव्यातील सुरू असलेल्या विकास कामांना गती द्या; मा.उपमहापौर व शिवसेना शहरप्रमुख रमाकांत मढवी यांच्या अधिकाऱ्यांना सूचना
